أحترت في دنيتي مابين أحبك ومغليك^^^رضيت انا بعلتي والمحبه هي دواي
متى اطفي لهفتي وراحتي هي تجيك^^^متى تنشف دمعتي بعدها تسكن غلاي
وفيت بالوعد وجاني السعد وسط عنيك^^^وعرفت بعد ان حبك للأبد باقي معاي
تمنيت حنان يوم كنت هيمان بين ايديك^^^ارتويت يوم اني عطشان اسقيني مناي
المحبه والوفاء أصلها وفصلها فيك^^^والخيانه والشقاء بعيده عليك ياراحت هناي
اطلب عيوني امرشجوني والله تجيك^^^لو عنك يبعدوني وبفرقاك يعذبوني بتضل حلاي
من لي غيرك والله ابيع الدنيا واشتريك^^^ابيع عمري ولا يرخص عليك يامنيتي وهواي
انت الوحيد مني قريب بالمحبه مالك شريك^^^لو ينقطع حبل الوريد بتضل تسكن سماي
العيون عذبتني والفتون سهرتني عليك^^^والكون يعتليني ونجوم السماء ترقص لقاي
دنيتي وظلمتي حيروني بعد ماقلت افديك^^^وغربتي وعزلتي جننوني يوم انك رضاي
ماجا منك خطأ ولا جفا لجل بيوم اجفيك^^^كلك حلا بين الملا وتحملني لو جاك جفاي
قلبي يتمنى يرضيك وانا كلي أرضيك^^^وبالكون افديك ياغايتي ويابعد كل دنياي
وتأكد ان الغلا ماينمحي دامني احتويك^^^وبالمحبه ارتجيك وغلاك ساكن وجداي
لابغيتني لاتجيني في ذمتي انا اجيك^^^ادري هويتني وماتقعد بمكان مابه خطاي
عسا الله مايحرمك من قلب يهتويك^^^ولا يحرمني من أنسان هو كل احتواي
موضوع: رسال حب 
الإثنين أغسطس 04, 2008 4:48 am
